„Пакомак“ е првата македонска компанија што во Република Северна Македонија го воведува светскиот тренд во селектирањето – повратни вендинг машини за собирање пластични шишиња и лименки.

Идејата зад овој проект е да ги мотивираме граѓаните да се вклучат активно во процесот на селекција на отпадот од пакување.

За таа цел, со селектирање пластична амбалажа или лименки во машините, граѓаните ќе имаат можност да собираат зелени поени со помош на бесплатната мобилна апликација на „Пакомак“ наречена „Ecomak“. За собирање зелени поени граѓаните пред користењето на машината ќе треба да го скенираат баркодот што се појавува на нивната мобилна апликација и по фрлањето на отпадот, ќе им бидат доделени зелени поени во зависност од количината фрлен отпад во машината. Секој корисник на мобилната апликација има свој личен баркод.

Зелените поени потоа може да бидат заменети со вредни придобивки и поволности како што се: ваучери за попусти во маркети и во други продажни објекти, попусти при плаќање јавни услуги и комунални трошоци, донации итн. Оваа листа на места каде што можат да се користат ваучерите секојдневно се проширува, а може да се види на самата мобилна апликација.

Во наредните неколку години „Пакомак“ планира да постави машини на целата територија на нашата држава со цел машините да бидат достапни за користење од стана на сите наши граѓани.

Со користењето на повратните вендинг машини покрај придобивките за населението, ќе се воспостави навика за постојана грижа за природата, ќе имаме поодговорни и еколошки совесни граѓани, што претставува клучна алка во развојот на свеста за заштита на животната средина во нашето општество.

Екомак е иновативен систем за селективно собирање отпад по пакување и анализа на дата за ПЕТ пластики и лименки.

По најава во апликацијата се прикажува личниот баркод на корисникот. Истиот се појавува и при секое отварање на Екомак апликацијата. Овој баркод корисникот треба да го скенира на вендинг-машината секој пат пред нејзино користење и по фрлањето на отпадот. По употребата на вендинг машината на корисникот најдоцна за 24 часа ќе му бидат доделени зелени поени во зависност од количината селектиран отпад. Зелените поени може да се видат во апликацијата, додека оние кои се наоѓаат во горниот десен агол на апликацијата може да се заменат за ваучери (исто во самата апликација). 

Корисникот може да ги замени собраните поени за достапен ваучер, во зависност од бројот на поени, од Веро или Тинекс маркетите:

• 20 поени – Ваучер од 10 денари од Веро Маркет
• 20 поени – Ваучер од 10 денари од Тинекс
  
• 100 поени – Ваучер од 50 денари од Тинекс
  
• 100 поени – Ваучер од 50 денари од Веро Маркет
  
• 200 поени – Ваучер од 100 денари од Тинекс
  
• 200 поени – Ваучер од 100 денари од Веро Маркет
  
• 400 поени – Ваучер од 200 денари од Тинекс
  
• 600 поени – Ваучер од 300 денари од Веро Маркет

За корисникот да купи ваучер – односно да замени поени, напрво избира ваучер и притиска плати/купи. По купувањето истиот може да го најде во делот купени.

Погледнете како да ги користите повратните вендинг апарати.

Од листата со кликање на името на машината може да ја видите  најблиската повратна вендинг машина до вас за рециклирање или со кликање на следниот линк МАПА

Апликацијата за да ги собирате зелените поени како бенефит од користењето на вендинг машините можете да ја преземете на:

App store

Google play

Информации и практични совети за машините

-  Проблем со најава на  повратните вендинг машини со персоналниот баркод број од нашата апликација 

    Обично проблем со најавата односно читање на баркод бројот од апликацијата, од страна на машината е поради недоволна осветленост на екранот на телефонот која треба да биде барем 70-80 % од максимумот што може да го одберете (осветлите екранот, дисплејот) на телефонот.Тоа е обично поради заштитините фолии кој ги има телефонот на екранот. Ако и после инструкциите имате проблем слободно контактирајте не на тел 02/2044567 лок 2.

Активирање на машината за рециклирање

Само овие доленаведените два случаи машината може да се отклучи за рециклирање со доделување или без доделување на поени.

1. Процедура за правилно регистрирање на поените и нивно префрлање во апликацијата

       За да може да ви се регистрираат поените единствено е можно кога со баркод бројот кој го имате од нашатата мобилна апликација се пријавите на машината. Со пријавата машината се отклучува и на екранот пишува добредојдовте и вашиот баркод со што продолжувате да рециклирате. Кога ќе завршите со рециклирање машината се заклучува и поените што ги имате на екранот на машината од процесот на рециклирање се префрлаат автоматски во вашата мобилна апликација. 

2. Процедура за рециклирање без добивање на поени

За да рециклирате без да добиете поени, без да се регистрирате со мобилниот телефон на машината, треба да го одберете зелениот таб на мониторот на машината каде што пишува дека рециклирате без да добиете поени. Потоа машината се отклучува, рециклирате и тие поени не се регистрираат.

Процедура за реализација на вредносен ваучер се состои од два дела купување и искористување на ваучер

Купување ваучер

     Процедурата за реализација на ваучерите започнува во Пакомак екомак апликацијата со кликање на ТАБ  "Ваучери" - "Достапни" каде  купувате  ваучер ( за  кој маркет или онлајн продавница сакате да пазарувате) со кликање на ТАБ " ПЛАТИ". Потоа ве прашуваме  за потврда дали сакате да го купите ваучерот. Ако изберете ''ДА", добивате информација дека имате 24 часа да го искористите ваучерот (во маркетот или онлајн продавницата за каде што е наменет) и соодветно ви се намалуваат поени за вредноста на ваучерот. Постапката може неколку пати да ја повотрите ако сакате да купите повеќе ваучери.

Искористување ваучер

      Процедурата  за искористување на купените ваучери е кога во Пакомак екомак апликацијата во  ТАБ "Купени" каде што се наоѓаат веќе купените ваучери, кликате на ваучерот што го имате и во долниот дел со кликање на ТАБ ''Искористи'' се појавува баркод бројот на ваучерот. При купување на каса се покажува баркодот на ваучерот (еден по еден, ако имате повеќе ваучери). Баркодот со баркод читач или рачно го евидентираат касиерките со што ви се намалува сметката соодветно на вредноста на ваучерот. Сите ваучери може само еднаш да се искористат.

      Почитувани корисници, сакаме да напоменеме дека многу е ВАЖНО вие да ги купите ваучерите преку мобилната апликација и да ги покажете на каса во маркетите со цел да ги искористите. Не треба да очекувате вработените во маркетот да го направат овој процес за вас бидејки не секогаш се запознаени со нашата мобилна апликација што вие ја имате инсталирано и ја користите.